Samaaraa kee logyak nammeyhaytoh caddoh barittoh buxal baritta barteenit Qafár af bartaanamal lon mabla kusaaqisaanama.
Main Article Content
Abstract
Ta kusaaqak amolladih hadaf Qafar Rakaakayak Samaraa kee Logyak nammey haytoh caddoh barittoh buxaaxil baritta barteenit Qafar afih baritto bartaanamal lon mabla kusaaqisaanam kinnih tanim kee ta amolladih hadafih gubal affara lani hadafitte taniih tohum axcih Qafar af kee Qafar afih barittol barteenit lon mabla maca celtam kusaaqisaanama, Qafar afih barseenit barsiyyal barteenitik fayxi uguugusaanamal lon dudda makeelisaanama, Qafar afak barteenit kitooba barteenit fayxi le gambik maca celtam kusaaqisaanam kee Qafar afih barittoh footimaa kee barsiyyi cogda kusaaqisaanama. Tonnah ta fokkaaqo elle gexsitteh sugtem Qafar Rakaakayak Samaraa kee Logyak nammey haytoh caddoh barittoh buxaaxil baritta barteenit Qafar afih baritto bartaanamal lon mabla kusaaqisaanamak sugte. Ta fokkaaqoh xaagoyso gaaboysoh edde xoqqaysimem mexxat le fokkaaqoh cogdaa kee ixxima le fokkaaqoh cogdat sugte. Toh axcih barteeniitik namma barittoh buxak barteenit sittat 572 takkeh tanim kee ta barteeniitik xabcin nasiib muunatat xoqqaysimak 200 barteenak ixxima le fokkaaqoh xaagoyso gaaboysaanam tekke. Namma barittoh buxah caddol taban haytô footima barissah tan Qafar afih barseeniitiy nammay (2) takkek kaadu ikraarisen muunatat doorak maxxat le xaagoyso keenik abaanam tekke. Ta fokkaaqo elle abeynit amolladih saymari 39.5% kinnih tanim kee lab mari sittat 61.5% gaba boolul gabat agle edde haysiten. Ta fokkaaqok xalu nableh nan waqdi ixxima le xaagoysoh caddol affara exxah kurrumtah tan likerti iskeelih esser xayyooweeh toh axcih Qafar afih barseynih caalataay, xiqtoo kee mabla wagitta esserooraay, barteeniitik cankâ mabla wagittah tan esserooraay, Qafar afih barseynih caalataay, xiqtoo kee mabla wagitta esserooraa kee Qafar afih kitab wagittah tan esseroorak sugte. Tahak axcih mango gaba Qafar af bartaanam wagittaamal meqe mabla loonum nabalu xiqne. Tonnah barteenit radii kee barseenit raddi kaadu inki qaynata yaanama.Tonnah Qafar afih kitab wagittaanal kitab addatinô maysaasa faxxah tanim kee toh axcih yabti rakiibo sagaal kee tabanhaytoh footimah caddol yaakumik ciggiilil daffeytam faxximtam kee ammunti qagaaqagi qagaaqagi massoowam faxximtam baxxaqisen. Tonnah ta fokkaaqol Qafar af inah afah kak yan mari 72.5% kinnih tanim kee Inah af kak gersi af leh yan mari 28.5% boolul edde akkuk sugen. Tonnah barteenit Qafar afal uma mabla kak haysitoonu xiqaanamak tiyak teena qangor gibday kitab addal tani cedewaanamak kee gubaak luk yemeeteenih yanin duddi boola kinnih ta fokkaaqoh xalul baxxaqimte.