Qafarak Sugeet Qadarittee Kee Itroora Gicloh Uguugusuh Le Doori Kusaaqisaanama: Kiblatti Rasuk Baraclê Daqaaral.

Main Article Content

Ibrahim Usman Ahmed

Abstract

UX-ASCOSSA


Ta Kusaaqak Amolladi Hadaf, Qafarak sugeet  Qadaritte Kee Itroora  Gicloh uguugusuh Le Doori kiblatti rasuk Baraclê Daqar cubbit haak yekke. kusaq abe kusaq Sereegallituh  Maxxat le kusaaqih cogdat antifiquk abe. Mexxat le kusaq Qadar abeenit kee itroora gabbaaqaanamal ixxiga kee moyyah gabbaaqaanamih dudda le marak oyta gaaboyse.Ta Cogda Tû kuuxuh ixxigah yayse mara yoh ascassukuuy, farriimak Qadar maaqu taaxige kasleey, Gicloh addat sugteeh tekkot gabah assagolle lek numma leh yan   oyta gaaboyse. Kusaq abe kusaq abeh yan waqdi edde yitifiqem snowball muunatih  cogdat antiffiiquk Qafar Kaslek Sayyoo kee Labha inkih Gaba edde Assagalluk Qadar mixigwaay, Aydaadi Mixigwaa kee Giclo abaay Makaaboonuy, Gicloh aydaadu maaqam duuda maray baxsa luk Qadar  gabbaaqam duudak oyti askattuk Oytiy Quleh iyya sitta fanah baahak. Yaakumik ciggiilih daffeysak Feerayso-wag Afeytissoo Kee Makeelisso edde abe. Ta kusaaqal kusaq abe oyta gaaboysuh edde yitifiqem oyti gaaboysô mansoofah addak buttâ walalalaay, mablâ garayaay, key informanti kee sanad makeelissok intifiqe .Tonna kinnuk kusaq abe sonowball muunatisiyyih maknayat kah xoqaysimem qadar yaaxige mara kee Qadar kee itroora aliilih gabbaaqamih ixxiga lem kak yaaxigen mara ascossal doorimek oyta gaaboyse.mablâ garayah sayyok 6 kee labhak 9 kusaq abe muunatah sittat 15 numuk oyti gaaboyse.buttâ walalih caddol namma buttay,10 num takkek oyta gaaboysak kusaq abe sittat muunatatah beem 25 numu. Qafarak Sugeeti Qadaritte kee itroora gicloh uguugusuh le doori wagittaamal ,Qaduwwik Niya edde bargusoonuuy,Naqboytak fayxi edde baxqisoonuu kee Giliicita marak gilic edde diiriyoonuh qadar kee itroora abak sugen.Millaale le maamrah Niya osisoonuh qadar kee itroora abak sugen.Isinni mara giclol yaysiisoonuh giclo abeynit gicloh addal qadar kee itroora abak sugen.Qafarak sugeeti qadarittee kee itroora gicloh uguugusuh mallaala kee agiirisiyyi doori le.Qafarak sugeeti qadaritte kee itroora ayyuntiinol  le doori wagittaamal Qafarak sugeeti qadaritte kee itroora Ayyuntak fayxi edde baxxaqisan silaaca. Ayyunti addal kicnoonum kee niqboonum edde baxxaqisoonuh aban. Sugeeti qadarittee kee itroora gicloh addal ayyunta agiirisoonuh abaanaah. Qafarak sugeeti qadarittee kee itroora inkittiinol mannah yan doori lem wagittaamal Qafar ayyunti gicloh addal baaxô fidah inki hadafal rabak sugeenim inkittiino tascasse.

Article Details

Section

Articles